Tuesday 14 October 2014

 හැමෝම කියන විදියට මම ඔයාව අඩවපු එක විතරමයි කරලා තියෙන්නේ,එත් ඔයයි මමයි දන්නවා අපි එකට කොච්චරනම් හිනා වුනාද කියලා,එහෙම නේද?කියන්න එහෙම නේද?ඔයාගේ නිහඩ බවින් තේරෙන්නේ ඔයත් මං එක්ක අකමැත්තෙන් හිටපු බවක්.හ්ම්ම්.......මේලෝකේ ගොඩක් හොද දේවල් ,ලස්සන දේවල් මිනිස්සුන්ට වැටහෙන්න ගොඩාක් කල් යනවා.පෙරවදන ලියපු ඔයා පසුවදන අනික් මිනිසුන්ට ලියන්න ඉඩ ඇරපු එකටනම් මං කැමතිනැහැ.අන්තිමය දක්වා අපේ ආදරේට කොන්දක් තියෙන්න තිබුණා.එහෙම වෙන්න තිබුණා කියනවා මිසක් කාටවත් මම චෝදනා කරන්නේ නැහැ.ඔයා පිළිගත්තේ නැති උනාට මගේ ආත්මයත් අරගනයි ඔයා අහක බලාගන යන්න ගියේ.අද මට මේ ජිවිතේ තියන එකම බලාපොරොත්තුව මගේ අම්මාගේ සොහොන විතරයි.මම විශ්වාස කරනවා ඒ බලාපොරොත්තුව කව්රුවත් මගෙන් උදුරා නොගනියි කියලා

Thursday 9 October 2014

මම ඇවිදන් යනවා සෙරෙප්පු දෙක ගෙවෙනකන් මිනිසුන්ගේ ජිවිත අල්ලගන්න උත්සහකරමින්.වැහි පොදත් වැටුණා කඩින් කඩ.මිනිසුන් දහසක් අතරින් දෑසක් දුටුවෙමි.ඒ දෑස පෙරදිනයක මට පෙම් කල අද වෙන තරුණියකට පෙම්කරන,නමුත් මම තනිවම පෙම්කරන ඒ සුශුම්නාවක් නැති උස පහත හදවත පොහොසත් නැති තරුණයාය.මාගේ පාද නොදැනුවත්වම ඔහුවෙත දිව ගියේ පුරුද්දටය.ආශ්චර්යයකි!! ඔහුට මා නුපුරුදුය.ඔහු අහේතුකව මට බැනවැදෙන්නට විය.''ඔයා මහා ලොකුවට හිතන් ඉන්න පත්තර වලට ලියන කෙනෙක්,ඔයා ඔයාට ඕනේ විදියට සේරම නමනවා.ඒ ඔයාගේ හැටි.ඔයා කරුණාකරලා මෙතැනින් යන්න.නැත්තම් මම කථා කරනවා පොලිසියට'' ඔහු මෙලෙස කියවාගන ගියේය.හරි මම ගිහින් එන්නම්.ඔයත් එක්ක වචනයක් කතාකරන්නයි ඕනේ වුණේ යැයි මා කදුළුපිරි දෑසින් පවසා මිනිසුන් මෙතරම් වෙනස් වන්නේ කෙසේදැයි යන්නට පිළිතුරු සොයමින් පරිප්පු වඩයක් සමග ප්ලේන් ටීයකින් සැනසුනෙමි.

ලංකාවේ රගපාන්න පුළුවන් මිනිස්සු ඉන්නේ රුපවාහිනියේ නෙවෙයි.ඒ රූප පෙට්ටියෙන් එපිට ලෝකේ.ආදරය කරනවා කියලා බිස්නස් කරන ලෝකේ.තමන්ගේ වාසියට,තමන්ගේ වුවමනාවට අනෙකාව සුක්ෂමව පාවිච්චි කරන ලෝකේ.ආදරය ඒකපාර්ශිකව නවතාදමලා තමන් ආදරය කරන කෙනාට අපහස කරන,පාවල දෙන ලෝකේ.ඉතින් ඔයයි මමයි ඉන්නේ මෙන්න මේ ලෝකේ.මේ ලෝකේ අපේ ආදරේට අපි ගරු කරමු.අපේ ආදරේ අපි මුළු ශක්තියෙන්ම ආරක්ෂා කරගන්න ගමන් අනික් සෑම මනුෂ්‍යය ජිවිතයකටම අර්ථයක් දෙමු.
ආදරය ගැන කියලා ගොඩක් අය ස්ටේටස් අප්ඩෙට් කරනවා දිනපතාම.ඒක ඒ ඒ අයගේ නිදහස.එත් අද ආදරෙයි කියලා අවුරුදු ගණන් ඉදලා,දෙන්න පුළුවන් සේරම ජාතියේ බලාපොරොත්තු දීලා ගොඩනැගෙන ආදර මන්දිර කඩාගෙන වැටෙනවා.ඒ කියන්නේ ආදරේ මන්දිරේ පදනමේ ප්‍රශ්ණයක්.ගොඩක් ජිවිත මේ කඩාවැටීම් එක්කම කඩාවැටෙනවා,සමහර ජිවිත ආදරයේ නටබුන් අතරම ආයේ හොයාගන්නම බැරි වෙන්න යටවෙලා යනවා,තව සමහර ජිවිත ගෙවෙන රිද්මය වෙනස් වෙනවා.මේසියල්ල අස්සේ සුළුතරයක් ඉන්නවා කොන්දේසි විරහිත ප්‍රේමය අදුනගත්තු.මේ කොටස සතුටට එහා ගිය ප්‍රීතියක් බුක්තිවිදිමින්,කොන්දේසි බහුල ලෝකයක කොන්දේසි එක්ක ආදරය පටලවා ගෙන ජීවිතය විදවන කෘතීම ආදරවන්තයන් දෙස ශෝකයෙන් බලාගෙන ඉන්නවා.