මතකය ගෙනෙන

කදුළු බිදුදෙකක්

සැනසුවා නෙත

හදවතනම් තාමත් ඒ???

වචන වැලක් හිත සුරන් ගියා
ඉරිතැලී සිත සීතල වුණා
කදුළු සැගවී සෙනෙහස මතුවුණා
සිනහසී මම යළි ලං වුණා
මට දැනෙන්නේ මම ආදරෙයි
මට රිදෙන්නේ මම ආදරෙයි

චෝදනා ඉමකොන පරදනා
වැරදි මගේ ආලයයි විදවනා
සිත රිදී සැගවෙන විලසිනා
යලි යලිත් තව තව ලංවුණා
මට හිතෙන්නේ මම ආදරෙයි
මේ ගයන්නේ මම ආදරෙයි


තව මොහොතකින්  මම නික්මෙනා
ඔබේ  සුවද තව තව දුර ගියා
සිහිනයන් සුළගට මුසු කළා
මතකය සමග මම පාවී ගියා
මම විදවන්නේ මම ආදරෙයි
මේ ලියන්නේ මගේ ආදරෙයි

තනිවුණ හවසක
මියගිය ප්‍රේමය
යළි දළුලන්නට
නොහැකිය හදතුල

මක්නිසාද

රිදවපු තැන්වල
දළු පමණක්ම නොව
සුවදවිහිදන මල්ද
හටගත්තේ පෙරදිනකය

කදුලින් මත්වෙමි
සිත්සේ වැළපෙමි
මොහොතක් රැවටෙමි
සිහිනයකි එය යළි

රික්තකයක් පුරවන්නට වෙහෙසුනා
ආදරේට වචනත් මට පැටලුණා
ඔබ යන්නට දවස ලගයි තේරුණා
හැඩුම් හඩක් ගිලන් රථයේ තනිවුණා

සියලු සීමා පසෙකළා
අපහසත් ඔබ ඉවසුවා

දිවියම දිරිය තුල දිය කලා
වේදනා සිත් හි තවරලා

සමීපයන් හැර යනවිට පවා
ආදරෙන් ඔබ හිනැහුණා

වේදනාවේ ඉම කොන සගවලා
කදුළු සගවා ගත් අම්මේ ඔබ  ' මරියා'

කල්පයක් වූ තනිකමට 
අරුත් දුන් ඒ තරුව 
සද සමග එක්ව 
නවමු හැඩයක් සමග 
අලුත් කරයි සිත් අහස

සමුගන්නට මොහොතකට කලින් 
ඒ දෑස් ඇසුවා හෙමින් 
එක්මොහොතක් හෝ ඔබට දනුනාද ?
මිත්‍රත්වය පරයා නැගුණ මාගේ ප්‍රේමය

කලුත් වැඩියි වෙහෙසත් දැනෙයි
තරුවක් දෙස බලමින් ආ මග

හදවත තැවෙයි,ගමනාන්තය දුරයි
ජීවිතය ලග තනිකම

ඔය රුව මැවෙයි,හුස්මක් වැටෙයි
කොන්දේසි විරහිත ප්‍රේමය

ජය ටැබ නොවෙයි ඔබ පමණමයි
සිත විමසන්නේ සැමවිට

සුසුමක් නැගෙයි,ආත්මය පිරෙයි
තරුව ඇවිත් මහා පොළොවට

හදවත පුරා සිතිවිලි අරා මොහොතක් පාසා ඔබ මා හා තනි හිනයේ ඔබේ චායා දැනුනා මට සිහිනෙන් පවා ඉතිරෙයි හැගුමක් සිනහා අද ඔබ මා ළගටම ආවා දකිනා තෙක් ඔබේ දෑස් හවසක එදා සිටියා තනිකමක මා ගිලිලා දැනුනා ඔබ ඔහුමයි දැනුනා ඒනිසා ඔබටම ආදරේ දුන්නා සිහිනය අද එළිවුවා අද අපි අපේම වුවා මතුවට ගෙවෙනා තත්පරයක් පාසා ඔබගේ ආදර ලෝකෙම වීලා ප්‍රේමයක පහසින් ඔබ හද පුරවා මම ඉන්නම් ඔබ දෑතින් අල්ලා

එන්න සිනහා පුරෝගන
මා එදා තනිවූ වෙරළ කොනටම
සව්දිය පුරමු,මතක දිය කර
විරහවත් සැමරුමකි සබද
සොයුරන්මෙන් මිතුරන් මා සතු කළ

තෙරක් නොපෙනන අහස
හුරුකල නිසා වෙහෙස
දුරටම යන්න ,එපා ළග රැදෙන්න
එකම අහසක අහක බලාගන
මට බෑ නිදහස විදගන්න

හදවත පිරුණු පිළුනු මතක ගොඩ
දෙඇස් බොර කල අකාල කදුළු කැට
අන්ධකාරය ගෙනා අරුණැල්ලක හැඩ
විදිමින් රිසි සේ තුටු වෙමි ජිවිතයේ හැඩ

සිහින වළ දැමීම ලෙහෙසිය
විප්ලවය පැවැත්වීම දුෂ්කරය
එනමුදු පිටස්තරයෙකු වී උපන්නොත්
වෙනසක් කිරීමට පිපාසා වන්නේමය
බහුතරය ප්‍රිය කරන සම්ප්‍රදායික රටාවෙන් මිදී
වෙනසක් කිරීමට වෙනසක් දැකීමට ලොල් වූ ඔබගේ
ඒ මහා සිහිනය මතු දිනෙක එළි දකින්නේමය

ඒ වෙරළේම
ඒ දවසෙම
හිමිදිරියෙ ම
හමුවෙමුද
ඒ වාගේම ...............

ඒ සුළග ගත නිවන
ඒ මුහුද හද රිදවන
ඒ වෙරළ මතක විසිරුණ
ඒ ගමන ආලය තැවරුණ
ඒ දවස යලි නොඑන

යටගිය දවසක නුබලා  කදුළු සැලුවා මතකය
ඒ මා කළ ඔච්චමකට ලැජ්ජා සිතීය
තවත් එක් දවසක බැණ වැදුණා මතකය
ඒ මා අතින් නුබලා අතපසු වූ නිසාය

ඇතැම් විටක මුනිවත රැකිය නුබලා
ඒ මට පැහැදිලිකර වැඩක් නැති නිසාය
මා මග හැර ගිය වාරද එමටය
ඒ මා සමග වෙහෙසකරවූ නිසාද ?

දුක  ජීවිතය වෙලාගත් සෑම මොහොතකම
නුබලා උණුසුමින් මා වෙලාගත්තේය
ඒ මට අපේ සුවද නොඅඩුව දැනිමටය
මෙතරම් අපි අපේම වුයේ කෙසේද ?

නගිටගන්නට වාරු නැති සද
මා වත්තන් කරගත්තේ නුබලාමය
එක කුසයේ ඉපදීම සාධකයක් නොවේනේද
අසීමිත වූ සොයුරු පෙමට මිතු දමට

යකඩ ඇණවලට මස් ඉරාගෙන
ගැලූ රුධිරය ගතම තෙත්කල
ඇදිරි වෙන දෑස තෙමාගෙන
කදුලක් රූරා අවා කමුලට

වේදනාව හිමිහිට ඈත්කර
මවා ගතිමි ඔබේ රුව
දැන් දැන් එතැයි සිතමින් මා වෙත
මග බලා සිටියෙමි වාට්ටුව කෙලවර

දින දින ගෙවී සත්දවසක් වූ කල
කාණුවට කදුළු ගැලුම් ගණන් කර
ගතේ වේදනාව රෝහල් ඇද මත තනිකර
ආත්මය නිදහස් කරමි සුසුම් පිටකර

-Nipu-

මම එයාට ආදරේට කියන්නේ ..................
මිරිගුව

ලෝකය සිත් තැලුව මොහොතක
දැනුනා ඔබ සිටියා ලග ලගම
මිතුරන්ද පස මිතුරන් වූ යුගයක
මතකයි උණුසුම දුන් පපුව
අන්‍යන් කියවා නොගත් මා සිත 
කියවන්නට වාරු ගත්තා නුබ
සිහිය අවසිහිවී දෙඩු වාග් වැල්
ඉවසුවා නොවේද නුබ
අහිංසක වුවත් නෙත් යුග
ධෛර්යයෙන් සිටියා මා ළගම
ක්ෂණයෙන් වාරු නැති වෙන්න
මම ගොඩක් පව් කළාද
එක්වර ගොලු වෙන්න
ඔය හිතට පුලුවන්ද
කව්රුත් කියවා නොගත් මේ සිත
ඔබත් හැර යනවද

-නිපු -