ඔබේ අමනාප නැති මනාපයට
තනිවූ සිත හනික ගැලුණාට
දිනෙක ඔබ මා හැර යන බව
නොදැනුනා නොවේ
වස්සානය පමා වූ ඔබට
වස්සානයේ දොරකඩ හිදිමින්
ප්‍රේමය අකුරු කළේ
ඔබ හැර යන්න නොවේ
ලෝකය එරෙහි වෙද්දී
ඔබේ සුරැගිල්ලේ එල්ලුනේ
දිනෙක ඔබ මා තනි කරන වග
නොදැන නොවේ
වෙරළේ තනිව සිහින මවද්දී
ඔබේ හිස අතගාමින්
ඔබේ පැසුණු කෙස්ගස්
ඇස නොගැටුණා නොවේ
දහසක් හේතු ගොඩගැසෙද්දී
ඔබ හැරදා ජීවිතය ගෙන යන්න
ඔබ ලග පාළු මකන්නට
මා අකමැති වුණා නොවේ
-නිපුනිකා ප්‍රනාන්දු-
No comments:
Post a Comment